उतारा-६
आपण जेथे पाहू तेथे परमेश्वरच आहे. परंतु आपण आंधळ्या आहोत. आपण झाडामांडातच देव पाहतो. परंतु मानवातील देव आपणास दिसत नाही. आपणास तीन तोंडांचा, आठ हातांचा असा देव पाहिजे असतो. मनुष्यहून काही निराळा देव आपणास हवा असतो. मनुष्याच्या रुपाने आपल्या शेजारी उभा असलेला परमेश्वर आपणास दिसत नाही.या मानवाजवळ आपण भांडतो. त्याला आपण गुलाम करतो. त्याची कत्तल करतो आणि देवाची पूजा करू पाहतो. भागवत नाना याचे आश्चर्य वाटते. अरे, मनुष्यातील देव आधी पहा. हा बोलता चालता देव आहे, याचे स्वरूप बघा, याला काय हवे- नको ते पहा. दगडाच्या देवाला काय आवडते, हे आपण ठरवून टाकले आहे. गणपतीला मोदक आवडतो, विठोबाला लोणी आवडते. खंडोबाला खोबरे हवे, परंतु मानवाला काय हवे याची विवंचना आपण कधी करतो काय? आपल्या सभोवती हा दोन हातांचा देव उभा आहे. त्याच्या पोटात अन्न नाही, त्याच्या अंगावर वस्त्र नाही, त्याच्या पूजेला येतो का धावून?
0 Comments