भाषिक खेळ-४८

 

उखाणे

उद्देश: उखाण्यांची माहिती होणे व विचारशक्तीस चालना मिळणे.
सूचना :खाली दिलेल्या उखाण्यांची उत्तरे शोधा.प्रत्येक बरोबर उत्तराला एक गुण आणि सोडवायला वेळ एक मिनिट.पाहू कोण सर्वात अगोदर ओळखतील सर्व उखाणे.

५९) एवढीशी लहानुबाई ,रस्त्यान गान गाई .

६०) एवढ्श बीळ,त्यात खेळे नागीण ,घर सोडून जात नाही ,

बिलात येईल ते करते फस्त ,चुरूचुरू बोलते मस्त.

६१) कोपराएवधा मिया,त्याची हातभार दाढी.

६२) एवढस घर त्यात बत्तीस बाळे.

६३) डोक्यावर शिंगे पण गाय नव्हे ,

पाठीवर घर पण विंचू नव्हे ,

पोटात पाय पण कासव नव्हे ,लिबलिबीत असते पण कालव नव्हे,मी कोण ?

६४) साऱ्यांवर माया देई छाया 

लेशही याचा जाई न वाया 

याच्यामुळे निर्मळ हवा 

मित्र हा वाटे हवा हवा 

६५) शारदेचा सुत हा ज्ञानाचा खजिना 

बुद्धीवान्ता हा वाटे दागिना 

मित्र हा सदा सर्वदा 

साथ ना सोडी येता आपदा 

उत्तरे-५९) सायकलची घंटा ६०) जीभ ६१) कणीस ६२) दात 

६३) गोगलगाय ६४) झाड ६५) पुस्तक